Computer virus theh darh mek- Mizoram Police

0
383
views

Tunlai hian Computer Virus chi khat, Ransomeware chi thar, Locky Ransomware an tih chu theh darh mek niin Mizoram Police thuchhuah chuan a sawi a, fimkhur turin mipuite an chah a ni. He Virus hi Computer, tablet leh smartphone-a a kai tawh chuan a chhunga data awm zawng zawng chu khawih chet theih lohin a siam a, hawng leh tur chuan pawisa tam tak tak a phut thin avangin fimkhur a ngai hle niin an sawi. He Virus laka an him theih nan mipuite chu Windows update vek hmang turte, khawi atanga lo kal nge tih hriat loh e-mail reng reng hawng lo tur leh e-mail a link lo thleng chu a tak angin lang mah se, hawng mai lova web browser hmanga an website-a lut hmasa turte, Remote Desktop Connection chu Disabled-a dah tur leh Computer-ah Firewall ON turin an ngen a ni. Mimal emaw, pawl emaw, he Ransomeware-in a tihbuaite chu an sum phut pe lo turin Police-te chuan an ngen a, an thil phut tihhlawhtlin avanga an file hmu let an awm hriat a la ni lo tih an sawi.