Confederation of Indian Industries hnuaia \halai pawl, Young Indians, Mizoram Chapter chuan nizan khan Aijal Club-ah Annual Day hmangin thilsiamna leh sumdawnna lama hma thar lak dan tur an sawiho.

0
195
views

Hetah hian Confederation of Indian Industries-a National Council member, Aries Agro Limited Chairman leh Managing Director ni bawk Dr. Rahul Mirchandani chuan thupui thlan sa, Social and Community Entrepreneurship, Governmental Support for Entrepreneurs leh Innovation and Technological Entrepreneurship tih a sawifiah a ni.

Session khatnaah hian Young Indians Mizoram Chapter chuan Mizoram chhunga sumdawnna kaihhnawih ram hmasawnna chi hrang hrang an sawihova, hmalak dan tur Action Plan an siam bawk. Session hnihnaah Chapter Chairman, Pu LV Lalthantluanga chuan thusawiin, Mizo \hlalaiten hmasawnna an ngai pawimawh chho zel chu thil lawmawm tak a ni a ti a, Young Indians Mizoram Chapter chuan \halaite hmasawnna kawngah hmalak zel an tum thu a sawi bawk. He inkhawmah hian Young Indians member te bakah Entreprenuer te nen mi 60 vel an tel a ni.

Young Indians, Mizoram Chapter Annual Day pual hian vawiin khan Pachhunga University College-a Commerce & Management zirlaite tan “Business & Entrepreneurship Development” chungchang sawiho a ni a, hetah hian Dr. Rahul Mirchandani chuan zirlaite kaihhruaina turin thu a sawi a ni.