Congress General Secretary Priyanka Gandhi-i’n Lok Sabha inthlanpuia an chak loh chhan, party mi te zinga thawk \ha lo te zawn chhuah an nih tur thu a sawi.

Sonya Gandhi-i thlantlin anihna bial Uttar Pradesh Rebareli-ah thu sawiin, Priyanka Gandhi hian inthlan laia an party tana thawk \ha lo te chu zawn chhuah an nih tur thu a puang a, Pryanka Gandhi hi congress party aiawha Uttar Pradesh viltu a ni a, Seat 80 awmna Uttar Pradesh ah hian Raebareli bialah chiah hnehna an chang a ni. A unaupa Rahul Gandhi pawhin kum tam tak an chhungkaw lo awp tawh, Amethi bialah pawh hnehna a chang zo lo a. Pryanka hian a unaupa tan nasa takin campaign beihpui thlak mahse, BJP Candidate Smriti Irani a hneh zo lo a ni. An chak loh hnua mipui hmaa a thusawi leh hmasak berah Sonia Gandhi pawhin inthlanna kalpui danah thil rinhlelhawm tam tak a awm a ni a ti a, thuneihna chan duh luat vanga mawi lo taka che-ah BJP a puh bawk.