Congress |halai MPYCC in Sports Minister Pu Robert Romawia Royte chu ama chan department ni lo leh ama thawh ni lo larpui tuma hmalak chingah an puh.

0
397
views

MPYCC hian Pu Robert Romawia’n nimin-a Hnam Run-a thu a sawiah, District thar pahnih \huthmun Hnahthial leh Saitual khelmuala phullem phah turah Congress sorkar kaltain engmah tih nei lo anga a sawi chu thu dik lo a ni an ti a, Congress sorkar kalta hun laia NEC atanga pawisa sanction an hmuh fel vek tawh a nih thu leh work order pawh kum 2017 November ni 1-a pek ve ve anih thu an sawi a, Sport Minister in Khawzawl play ground siam nan Congress sorkar in tih nei lo anga a sawi pawh thu dik lo a ni an ti a, Khawzawl Playground siamna cheng nuai 700 chu Congress sorkar laia UD&PA Department hnuaia thawh tura tihfel vek tawh a nih thu an sawi a, tuna UD&PA changtu Deputy Chief Minister Pu Tawnluia’n a bial tana a hmalakna vang liau liaua Playground hi nei tur an ni zawk an ti a, UD&PA Department changtu ni lo Pu Robert Romawia lo puanzar chi pawh a ni lo an ti.

MPYCC chuan Sport Minister chu politics a zuan luh hma pawha Mizoram SSA project la chhawnga Nagaland sorkara sum tam tak hmuhna tur siam sakah an puh a, sorkar hna a thawh lai pawha a chet duh dan leh MNF Ministry-a mahni intihlar tuma a chet dan chu ramhruaitu tlak a ni lo niin an sawi.