Congress \halaiin MNF Party chu Mizo hnam phatsantuah phuhin, Mizo Nationalism chungchang sawi ve tawh tura an duh thu an sawi.

0
360
views

Thuchhuah an siamah Congress \halai hian kum 2018-a MNF Sorkar tirh khan Larsap meuhin khawvel hmun hrang hranga Zofate insuihkhawm a, an inunauna tinghet turin Zo K<tpui neih tum a nih tur thu a sawi a.

Hemi bawhzuina ni awm tak hian tun thla ni 9 a\anga ni 11 chhung hian Chief Minister, Pu Zoramthanga hovin Tripura Jampui tlang dunga Vanghmun khuaah Zo Kutpui hman a ni dawn a. Hemi hnu hian Tahan leh Churachanpur-ah neih tum nia sawi niin, Zofate awmna hmunah hman zel tum nia sawi a ni bawk.

Hetiang anih lai hian Myanmar-a Zo hnahthlak unaute nena indaidanna bang siam tura BJP sorkar chuan hmalain, inkalpawha kawnga harsatna siam turin ruahmanna a siam mek thung a. Zofate CAA dodal kawnga an inlungrual em em laiin, MNF Sorkar chuan BJP malsawmna dawn beisei vangin BJP duhdan an thlawp a, ram leh hnam an phatsan nia sawiin, Lok Sabha Member, Pu C. Lalrosanga pawhin Mizo mipuite duh dan hnawlin Parliament House-ah ngei Mizo hnam a phatsan a ni, an ti a. MNF Sorkarin Hindu rama India siam tumtute thil tih thlawpa ram leh hnam pawi a khawih duh ta mai hi Congress \halai chuan pawi an ti hle a.

BJP sorkar hian Zo hnahthlak unau ramdanga chengte nena an inkar kak tizau leh zual tura National Register of Citizen(NRC) dan siam tura ke a pen zel mek laia MNF Sorkar-in a dodal zawng ni lova, a thlawp zawng leh ram leh hnam phatsan zawnga chet ala zel hi Congress Thalai chuan a dem takzet zet a. MNF Party chu vawikhat mah Mizo Nationalism sawi ve tawh lo tura an duh thu an sawi.