Congress hruaitu hlui, kum 1984 a sikh te laka tharum thawhna thlenga mawhphurtua puh Sajjan Kumar-a’n thuneitute hnena inpe turin January ni 31 thleng hun pek court ah a dil.

0
495
views

A dilna hi Delhi High Court ah a thehlut a, kum 73-mi, Sajjan Kumar hian tu 3 leh tu chhuan 8 a neih thu sawiin, thil relfel ngai tam tak a nei tih court ah hian a thlen a, a ukil Anil Sharma chuan High Court in dam chhung tang tura a hremna chu Supreme Court-a khinglet turin hun an mamawh belh niin a sawi bawk. An dilna hi court chuan a ngaihtuah thuai rin a ni. Hetihlai hian Sikh te chunga tharum thawhna tuartu chhungte aiawha ding Ukil HS Phoolka chuan Sajjan Kumar te dilna hi an khinglet nghal dawn tih a sawi ve bawk.

Thawh\anni khan Kumar hi court chuan thiam loh chantirin a thih hma chu jail tang turin a hrem a, hemi hmalam hian court dangin Kumar hi thiam lohna nei lo tiin a lo chhuah tawh a ni. Raj Nagar khuaa chhungkaw pakhata mi 5 thah thubuaiah leh Delhi-a gurdwara hal thubuaiah Kumar hi thiam loh chantir a ni. Kum 1984-a amah vengtu sikh ten prime minister Indira Gandhi an kahhlum hnua sikh te laka tharum thawhna chhuak zuiah khan mi sang 3 chuang tih hlum an ni.