Congress-in VVPAT inziak zaa 20 tal enfiah phut

0
400
views

Congress party-in vote thlakna khawl, EVM zawmtu, VVPAT-a vote inziak zaa 20 tal enfiah an ph<t a, hemi atana Election Commission thu pe turin Supreme Court an ngen a ni. He ngenna ngaihtuahnaah hian Congress aiawhin an hruaitu, ukil lar tak tak, Abhishek Manu Singhvi leh Kapil Sibal an ding dawn nia hriat a ni a, puan tawh angin, Gujarat leh Himachal Pradesh Assembly inthlana vote tlate chu Thawh\anni-ah khian chhiar tur a nih avangin, hemi hma ngeia thu tl<kna siam turin court sang ber chu an beisei a ni. Nimina zawh fel t^k, Gujarat Assembly thar din tura mipuiten vote an thlakah leh, Himachal Pradesh Assembly inthlanah BJP an chak dawn niin, vote thlak tawhte ngaihdan lakna, Exit poll zawng zawngah tarlan a ni a, BJP hian Gujarat-ah thuneihna an chang zui ang a, Himachal Pradesh pawh Congress an chhuhsak dawn nia tarlan ni mah se, Gujarat-ah chuan Congress-in hma an sawn hret dawn avangin BJP hian a hmaa MLA an neih zat chu an nei ph^k dawn lo nia tarlan a ni. Mahse Exit poll hi a dik lo tawh \hin a, kum 2004 Lok Sabha inthlanah leh, kum hnih kal taa Bihar Assembly inthlanah pawh, an hrilh l^wk dawn hi a dik lo tawh a ni. Today’s Chanakya hrilh lawk dan chuan Gujarat-ah hian BJP-in 146 a la dawn a, India Today chuan 99 a la dawn niin a sawi thung a, Himachal Pradesh-ah chuan Congress hi an tla nasa dawn hle nia tarlan a ni.