Sharad Pawar-a hmalakna avang hian a hma zawnga AAP nena thawh dun dodaltu, Delhi Congress hotunu Sheila Dikshit pawhin a rilru a thlak chho niin a lang a, New Delhi-a a chenna inah congress hruaitu lawk zual nen ro an rel a, hemi hnua chanchinbumite zawhna chhangin Sheila Dikshit chuan an party hotute thutlukna chu zawm tura an inpeih thu a sawi.
Thudawn danin Congress district president hlui 13 te chuan AAP nena thawhdunna kawng dap turin Rahul Gandhi chu lehkha thawnin an ngen a, thutlukna erawh Gandhi-a kutah a awm tih an sawi.
Sharad Pawar hian Congress leh AAP hruaitute hi a hrang ve ve in a titipui hmasa a, Congress president Rahul Gandhi leh Mallikarjun Kharge te a kawm hnuah AAP hruaitu Sanjay Singh a kawm leh a ni.
Chief Minister \um 3 lo ni tawh, Sheila Dikshit hian hemi hmalam hian Rahul Gandhi leh Sonia Gandhi te chu lehkha thawnin, AAP nena thawhdun chu nakin hnua congress party tana thil \ha lo thlen thei a ni dawn tih a lo sawi tawh a, hetihlai hian Congress hruaitu hlun, Delhi viltu PC Chacko chuan BJP dotu party dangte nena thawhhona thuah Delhi-a congress party hruaitute chuan party hruaitute thu an zawm a ngai tih a sawi tlang nghal thung.
