Congress leh ZPM |angrualin nizan khan Aizawl West I biala Bye Election neih turah Govt Complex-ah vantlang inkhawmah an buatsaih a, hetah hian ZPM Leader, Pu Lalduhoma leh Congress hruaitu Pu PC Laltlansanga’n thu an sawi.

0
338
views

Inkhawm hi Govt Complex Local Forum MPF Secretary, Upa Vanlalsawma’n a kaihruai a, Serchhip bialtu MLA, Pu Lalduhoma chuan NDA chu tuna duh lo thut an ni lo nia sawiin, Hindu firfiak RSS te policy zawmtu an nih avangin Kristiante tan a him lo tih an hriat avangin hmana an lo zawm tawhna chu an chhut chahna a rei tawh niin a sawi a. MNF hotupain NDA a tel ve anga amah a sawi chu thu dik lo nia sawiin, Mizoram a\anga NDA thawhpuitu chu MNF bak an awm lo a ti.

Nikum MLA inthlanna neih zawh taka he biala Congress Official Candidate Pu PC Laltlansanga chuan, MP leh Bye election neih tura MNF candidate te chu mimala mi \ha tak pawh nise Kristianten an do rawn mek CAB tih hlawhtlin tumtu NDA thawhpui te an ni a ti a, hei bakah hian Narendra Modi-a Prime Minister a nih leh theih nana beitu an nih bawk avangin mipuiten an hnawl a \ul a ni a ti. Tun hnaia Union Minister of State, Pu Kiren Rijiju-an CAB-in hmarchhak bial a hum ve loh tur thu a sawi chu Campaign-na \awngkam satliah a ni a ti a, tunah hian Kiren Rijiju hi Arunachal West-a a dinaah tla maithei dinhmunah a ding mek a, chumi hlauthawng chuan CAB-in hmarchhak a huam loh thu sawi mah se, BJP President Amit Shah-a’n CAB- tharthawh leh ngei an tum thu a sawi chu a rintlak zawk a ni, a ti.