Congress leh ZPM-in vawiin khan MPF kaihhruainain Ramrikawnah vantlang inkhawm an buatsaih.

0
198
views

He inkhawma thusawitu ZPM Leader, Pu Lalduhoma MLA chuan, tunhma a\angin Mizorama Political party-te chuan a hunlaia thil thleng mil zelin thawh hona thuthlung an lo siam tawh \hin tih sawiin, kumina MP leh MLA By Election neih turah pawh Issue lian tak avangin thawh hona a lo awm ta a ni, a ti a. Zu zawrh leh zawrh loh te, Sem Policy Issue tunhmaa an lo buaipui \hin chu tum \umah chuan a ni tawh lova, Mizorama Sorkar siam tur zawnna a nei hek lo tih sawiin, India ramah tunge Sorkar ang a, tute nge Sorkar se an duh tih chu bukin a awm dawn a ni, a ti a. Tunah hian mipuiten Citizenship Amendment Bill an duh loh em em pass an tum thu la sawi rengtu leh CAB aia hlauhawm zawk Uniform Civil Code chhawhpchhuah tum a, Hindutva chawisan tumtu BJP leh a sangawi zawnpuite leh a dodaltute an inhmachhawn mek tih sawiin, mipuite chu ngaihtuahna fim tak hmang turin a chah a ni. Pu Lalduhoma chuan, ZPM leh MPCC chu \ang ho lo ta se, NDA member MNF Candidate chu a tling mai thei tih sawiin, MNF hi an tling a nih chuan BJP kaihhruai NDA a sorkar leh chu an thil tum a nih avangin an ni paihthlak chu thil \ul tak a ni, a ti a, chuvangin ram, hnam leh sakhaw himna turin BJP thlawptu MNF paihthlaa ram tana hnathawk turin he thawh hona hi a lo piang ta tih a sawi.

He biala Congress leh ZPM-in an thlawp Independent Candidate, Pu Lalbuanga Sailo pawhin, tuna inthlan an hmachhawn tur chu silai tel lova CAB duh lotute leh CAB duhtute indona a ni, a ti a. Mizo mipuite nekchep a, nuai bo tuma, an Kristianna tihbawrhban sak tumtu BJP nge CAB duh lotu vote chu mipuite thutlukna tur a ni tih sawiin, chutiang a nih loh chuan Narendra Modi leh a hote do turin Zofate chu silai tak tak nen indo tura an chetchhuah hun a la thleng lovang tih a sawi theih loh tih a sawi.

Nikuma Assembly inthlanpui neih \uma Aizawl West I biala MPCC Official Candidate, Pu PC Laltlangsanga chuan, tun \um Bye election leh MP inthlan chu \um dang a ang a ni lo tih sawiin, West I bial mipuite chu sorkar khalh ngiltu tur mipui candidate Pu Lalbuanga Sailo thlangtling ngei turin a ngen a ni.