Congress leh ZPM Joint Campaign Committee Chairman, Pu Zodintluanga’n Lok sabha member thlanna neih turah MNF chu an Candidate fak ngaihna an hriat loh avanga Pu Lalnghinglova Hmar beiah a puh.

0
175
views

Vawiina Aizawl Press Club-a thuthar lakhawmtute a kawmnaah Pu Zodintluanga chuan, tun \uma inthlan an hmachhawn tur chu ram leh hnam himna khawih thei thil a nih avangin kum dang zawng MP thlanna an lo hmachhawn tawh aiin a boruak a sang a ni, a ti a. Tun \umah hian mipuiten an thlan fuh loh chuan Mizo hnam leh sakhuain nasa taka a tawrh theih avangin ngaihtuah uluk a ngai a ni a ti. Campaign an neih chhoh meknaah MNF lam chuan an Candidate fak ngaihna an hriat loh vanga Congress leh ZPM-in an thlawp Independent Candidate, Pu Lalnghinglova Hmar sel lama ram\angah a puh a. Pu Lalnghinglova Hmar chu a boruak a san chak avang leh tling ngei tura a lan avangin MNF lam chuan thudik tawk lo hmangin a mimal nun tihchhiat vek pawh hreh lo khawpin an bei mek niin a sawi a, hei hi sima an Politics khelh dan thlak turin MNF lam unaute chu an ngen tih a sawi.

Pu Zodintluanga chuan, MNF MP candidate chu Mizoram hmasawnna ngaihven lovah puhin, India rama DDK hotulu ber ni phak hial siin tun hnaia thu a sawiah Congress sorkar-in kum 10 chhung hna a thawh leh MNF thla 3 hnathawh intluk tawk angin a sawi a ni a ti a. Hei hian Mizoram hmasawnna a ngaihven loh zia chiang takin a tilang niin a sawi. MNF President, Pu Zoramthanga’n NDA leh NEDA hmanga BJP nen an inzawm thu tun hnaiah pawh chiang taka a sawi chunga, MNF Meida, Publicity & IT Chairman, Pu Liansuama’n Mrach ni 30-a Press Conference a neihnaah MNF MP candidate chu thlan tlin lo ni ta se a \hutna tur leh eng pawl nge an thlawp tur a la chian loh thu a sawi chu MNF dinhmun chian loh zia tilangtu a ni a ti. Pu Zodintluanga hian MP thlanna leh Aizawl West I biala Bye Election neih turah \angrual candidate vote vek turin mipuite a sawm a ni.