Congress leh ZPM Publicity Committee-in Lok Sabha leh Aizawl West I bial Bye Election-a an thawh ho chhan chu ram leh hnam humhim duhna vang a nih thu an sawi.

0
208
views

Congress leh ZPM Publicity Committee hruaitute hian vawiin khan Aizawl Press Club-ah thuthar lakhawmtute kawmin, Lok Sabha inthlanpui leh Aizawl West I biala Bye Election neih tura thawh hona thuthlung an siam chhan an sawifiah a, an Chairman, Pu Lallianchhunga chuan, sorkar laipuia thuneihna chang mektu BJP President, Amit Shah chuan thuneihna an chang chhunzawm a nih chuan Citizenship (Amendment) Bill chu tharthawh leh a nih tur thu a lo sawi tawh tih sawiin, he dan hi Mizoram tana hlauhawm tak, awlsam tea chimral theihna kawng hawngtu tur a nih avangin Mizoram leh hnam himna atan BJP leh an thawhpuite do turin Congress leh ZPM te thawh hona chu duan a ni, a ti. Party pahnihte chu an kalphung, inkaihhruai dan leh policy inang lo tak ni mah se, CAB chu do ngai nia an hriat avang leh CAB sawiselna nasa tak awm chunga Mizorama thuneihna chang mektu MNF chuan BJP an zawmna an la chhuchat ngam loh avangin an inrem lohnate dah\hain hetiang ruahmanna hi a lo piang ta a ni, a ti.

Pu Lallianchhunga chuan, CAB chu kaltlangpui a nih loh nan Central-ah BJP paih a ngai nia sawiin, CAB dodal thei tur chiang sa leh BJP kaihhruai NDA thlawp lo tur MP neih a \ul niin a sawi a. Mizoramah mihring nuai 11 emaw vel chauh an awm a, an chhehvelah mihring vaibelchhe telin an hual reng bawk si vangin chimral hlauhawm takah an ding mek a, ILP hmangin inveng ve bawk mah se, ven sen an nih loh vangin Mizoramah hnam dang an tam sawt hle a ni a ti a, hetiang harsatna hrang hrang laka Mizoram leh hnam humhim a nih theih nan ngaihtuahna fim hman a \ul hle a ni, a ti.
Nikum maia Mizoram Assembly inthlanpui neih zawh takah khan sorkar siamtu MNF chuan vote tla zawng zawng a\anga zaa 37.6 an hmu a, Congress party chuan zaa 30.2 leh ZPM-in zaa 22.9 an hmu tih Pu Lallianchhunga chuan sawiin, chhiarkawp danah chuan heng inthlanpui pahnih an hmachhawn turah hian Congress leh ZPM-in an thlawp Candidate-te chu tling tur chiang sa anga ngaih an ni a ti a, an innghahna erawh Pathian leh Kohhrante an ni tih sawiin, Mizoram, hnam leh sakhaw himna turin mipui candidate pahnih – Pu Lalnghinglova Hmar leh Pu Lalbuanga Sailo vote vek turin mipuite a ngen a ni.

Zonet zawhna chhangin Congress leh ZPM Publicity Committee hotute chuan, mipui candidate atana an vawrh chhuahte chu tunhmaa Politics-a inhnamhnawihna la nei ngai lo an nih thu leh Aizawl West I bial Bye Election neih tura candidate Pu Lalbuanga Sailo chu tunhmain Chawnpui Local Steering Committee Chairman ni mah se, ZPM chu membership fee pe a, politic-a inchiah an nih loh avangin Political party behchhan nei lova ngaih a ni an ti a. An Canidate-te chu thlan tlin an nih chuan House-a an \hutna tur pawh an mahni duhthlanna a nih tur thu an sawi.