Congress parliamentary committee neihah PM hlui Manmohan Singh-a’n Sonia Gandhi hming a ruat hnuah thlan a ni a, an inhmuhkhawmnaah hian Sonia Gandhi chuan Congress tana vote hlan, mi vbc 12.13 te hnenah lawmthu a sawi a, hnehna chang lo mahse vote tu an hmuh \hahnem hle a, lawmthu a sawi a, Modi sorkar bei chunga ram mipuite harsatna a ngaihsak avanga party-in Madhya Pradesh, Chhatisgarh leh Rajasthan-a hnehna an chan theihna chhan, a fapa Rahul Gandhi chungah lawmthu a sawi bawk a ni.
He \hutkhawmna hi Rahul Gandhi-a’n party chief a nihna a\anga ban a tum thu a puan hnua party inhmuhkhawmnaa a tel leh vawikhatna a ni a, party hotu dangte’n a rilru thlak tumin thlem nasa hle mahse a rilru a siamfel tawh thu a sawi a, an party hian MP 52 neiin eptu pawl hotu ni thei lo mahse nitin BJP party an beih tur thu a sawi a, mahni nihna inhrechiangin, India mipui zawng zawng tana ding an ni tih hre reng chungin a hma aia khauh zawkin beih let tur tih a sawi a ni.
