Congress Party Campaign Committee Chairman, Minister Pu Zodintluanga’n MNF MLA dinglai panga te chu tun inthlanah an tla vek dawn niin a sawi.

0
253
views

 

Serlui biala Congress party Campaign bul\anna, Rengtekawn, Bilkhawthlir, North Chhimluang leh Vairengte-a vantlang inkhawm, vawiina neihah thu sawiin, Pu Zodintluanga chuan Mizoram pumah Congress sorkar leh turin a inpuahchah mup mup a, Congress party chuan harhna nasa tak a chang a ni, a ti a. Siaha bial chungchang sawiin, Pu Zodintluanga chuan kum 2013 khan MNF leh MDF an \angkawp a, tunah chuan MDF chu BJP ah an inlet tawh a, Mara ramah MNF in vote an hmuh tam ngai loh avangin MNF MLA ni lai tan tlin leh theihna tur a awm lo a ni a ti a, Inthlan hmasa-a MNF thawhpui MPC chu ZPM ah an tel tawh avangin Aizawl West two bial MNF candidate pawh a tling zo tawh dawn lo niin a sawi bawk.

Congress-in Serlui bial tana Official candidate-a a dah Pu Anggu Lalhmachhuana pawh in thu sawiin, dikna nen, Pathian malsawm tlaka hna an thawh chuan hnehna an chang thei a ni, a ti a. Mizoramah hmasawnna lian tham, ram hmelhmang tilangtu a lo awm apiangin Congress sorkar hun lai a ni zel \hin niin a sawi bawk.