Congress Party Campaign Committee Chairman Pu Zodintluanga’n MNF chu kum 2018 inthlanpuiah an tling zo dawn lo tih a lan chhoh mek avangin anmahni pawhin \awngkam an duhtui lo sawt hle niin a sawi.

Thorang biala Campaign beihpui thlak mek Pu Zodintluanga chuan Phairuangkai, Putlungasih, Pangtlang, Zawlpui, Bolia, Tuisenchhuah, Kauchhuah leh Lungsen te tlawhin party mite hmaah thu a sawi a, Phairuangkai-a mithar lawmluh inkhawmah thu sawiin Pu Zodintluanga chuan, MNF kum sawm sorkar mipuiin an kham ang em em khan mipuiin congress sorkar chu an kham ve lo niin a sawi a, inthlanpui neih turah pawh an sorkar leh dawn niin a sawi. MNF chuan innghahna mumal an nei lo nia sawiin Pu Zodintluanga chuan an innghahna ber chu ‘Mizoramah kum sawm term hnih bak sorkar ngai a ding ngai lo tih zawng a ni a ti.