Congress Party hnawl turin mipui thangharh tawh niin MNF President-in sawi

0
378
views

MNF President, Pu Zoramthanga’n Congress Party hnawl turin Zoram mipuite an \hangharh tawh niin vawiina Khawruhlian Vengthar YMA Run-a inkhawm buatsaihah a sawi a. Sorkar-in zu zawrh avanga mi tam tak tuarna-in mipui a tiharh tawh a, nasa takin ruihhlo a pung a, zu avanga hmeithai an pung zel a; kawng a chhiat nasat bakah hmasawnna hnathawh hmuh tur awm bawk si lo chuan mipui a tiharh tawh niin a sawi. MNF President chuan, MNF sorkar hmasaah tihdik tawk loh engemaw zat an nei tih a sawi a, insawithiam luih tum lovin mipui ngaihdam an dil tih a sawi bawk. He inkhawm hi Khawruhlian Group MNF President, Pu K. Ramhlira’n a kaihruai a ni.