Congress party-in Electronic Voting Machine hman zel tha lo ti, Ballot Paper hmanga inthlan neih tha ti zawk

Congress party Plenary Session vawi 84-na New Delhi-a Indira Gandhi Indoor Stadium-a nimin leh vawiina neihah Electronic Voting Machine hman zel \ha lo tih a ni. Congress Plenary Session hian tun hmaa hman \hin Ballot Paper hmanga inthlanna neih chu \ha zawk an tih thu an sawi bawk a ni. Puan tawh angin Election Commission chuan EVM-te chu khawih chingpen theih loh leh rintlak a nih thu vawi tam tak a lo sawi tawh a, nikum lama Gujarat leh Himachal Pradesh Assembly inthlan neih a\ang khan vote thlaktu-in a duhthlan ngeia vote a ni tih a nemngheh theihna tur, VVPAT khawl hman \an a ni tawh bawk a ni. Congress leh eptu pawl \henkhat chuan EVM leh VVPAT-te hi an rintawk loh thu vawi engemawzat an lo sawi ve tawh bawk a, Uttar Pradesh Assembly inthlana seat awm zawng zawng 403-a 325 lai BJP-in an lak avangin, Bahujan Samaj Party hruaitu, Myawati Prabhu Das chuan EVM-te hi khawih chingpen an nih a rin thu a lo sawi tawh a, hemi \um leh kum 2009-a Congress party lam an chet \hat laia BJP lamin EVM an rinhlelh thu an sawi pawhin Election Commission chuan an hnialna chu a lo hnawl tawh a ni.