Thuchhuah an siamah BJP chuan, Congress Party chu Prime Minister, Narendra Modi kaihhruaina hnuaia hmasawnna chakzia hrechiangtu ber an ni tih sawiin, hetiang a nih laia Petrol man to chhuanlama ram puma lungawi lohna an lantir chu mahni mita khanchhuk hmu lova mi dang mita hmawlhte hmu ang chauh an ni tih mipuiin an hria niin an sawi a. Central Congress kaihhruai UPA Sorkar a din lai kum 2013 September ni 17 khan Petrol man hi Litre khat Rs. 82.87 a lo tling daih tawh niin an sawi. BJP chuan, tunah hian State hrang hrangah Congress Party chu an ral lek lek tawh nia sawiin, a chhan chu an mahni beisei taka vote \hintuten Congress Party-ah rinna an nghah ngam tawh lo vang niin an sawi a, hemi chungchangah hian tih theih an nei tlem bawk si avangin mipui rilru hruaikawi nan hetiang lungawi lohna hi an lantir ta nia sawiin, kumina Mizoramin inthlanpui a hmachhawn turah pawh Congress party chu hnawlin mipuiten BJP hnenah thuneihna an hlan ve tawh dawn niin an sawi.
