Congress hotu Abhishek Manu Singhvi chuan PM Narendra Modi leh BJP hotu dangte thiltih dan hi Model Code of Conduct bawhchhiatna a nih thu leh an chhunzawm zel dawn a nih chuan ni 2 chhung campaign khap ni se a ti a, Modi nun behchhana siam lemchan chhuah tum pawh Model Code of Conduct bawhchhiatna a nih avngin khap turin a phut bawk a ni.
Union Minister Smriti Irani-in Election Commission lama a lehkha zir chin chungchanga lehkha dik lo a thehluh chungchangah Congress hotu Randeep Singh Surjewala chuan ziak leh chhiar thiam lo pawhin nihna sang tak an chelh theih thu sawiin Irani lehkha zir chin chu an sawisel lo a ti a, amaherawhchu a zir chin hi vawi tam tak a tihdanglam tawh avangin Election Commission chu Irani hnawl turin a phut a, PM leh Smriti Irani te lehkha zir chin lehkha pawimawh hmuh tur a awm loh thu leh an zirpuite hmuh tur an awm loh avangin an nihna ang baka mipui te hmaa inlan an ni a ti bawk a, Union Minister Maneka Gandhi-in a thusawiah Muslim te chu an vote an pek loh chuan hna a pek dawn loh thu a sawi chungchangah Election Commission chu khauh taka hma la a, a nihna hlih sak turin a phut bawk a ni.
