Congress Party President Rahul Gandhi-a’n a party in hnehna a chan chuan chuan Parliament-ah Citizenship Amendment Bill pharh a ni lo ang tih hmarchhak mipuite a tiam.

0
287
views

Agartala bul Khumulwng-a vantlang inkhawm buatsaihah thu sawiin Rahul Gandhi hian hmarchhak mipuite humhim thei chu Congress party chauh a ni a ti a, Rajya Sabha-ah CAB pass a nih lohna tura hmalatu chu congress party nia sawiin he bill hi dan chhunzawm zel an tum thu a sawi bawk a ni.

Gandhi hian Manipur mipuite hmaah PM Narendra Modi chu sawiselin, Manmohan Singh-a “Look East” policy chu “Act East” policy tia a thlak bak hmarchhak state 8 te tan thil tihsak a nei lo a ti a, a hming thlak bak hmasawnna hmuh tur a awm lo a ti. Hei bakah hian PM hmalakna \henkhat, cheng 500 leh 1,000 note hman theih loha tihhlum chuan awmzia a nei lo mai ni lovin mipuite harsatna a thlen nasa hle a ni ti a, Goods and Service Tax hnuaiah sumdawng rethei zawkten an tuar a, PM \hian hausa zawkte erawh an hausak belh a, loneitute loan lak ngaihdam a nih loh avangin loneitu tam takin harsatna an tawk a, hna nei lo an pung nasa hle bawk a ni a ti a, BJP chuan ram hmasawnna an ngaituah lo nia sawiin, PM chu ram \hendarh tumah a puh a ni.