Lok Sabha inthlanpui neih dawn \ep-ah Priyanka Gandhi Vadra hi Uttar Pradesh khawchhak lam bial vawngtu General secretary-ah ruat a ni a, a bial chhungah hian Prime Minister Narendra Modi-a bial Varanasi leh chief minister Yogi Adityanath bial te pawh a awm a ni. Rahul Gandhi chuan inthlanpui vuakvet thla hnih khat chhung atan chauh helai biala hnathawk tur hian a farnu hi a tir chhuak lo tih sawiin, congress innghahna lungphum leh a thil tumte Uttar Pradesh mipuite hriattir turin a tir tih chanchinbumite hmaah a sawi.
Kum 47 mi Priyanka Gandhi Vadra hi a pi, prime minister hlui Indira Gandhi nen inanna tam tak an nei a, mite ngaihnat zawng tak a ni a, tunhma zawng chuan a unaupa Rahul Gandhi leh a nu Sonia Gandhi te bial, Amethi leh Raebareli ah te a che deuh chawt \hin a ni. Uttar Pradesh hi Lok Sabha seat 80 lai awmna a nih avangin tuna a vil tura Priyanka Gandhi ruat a ni ta hi he state-a congress in hnehna chan a tum zia lantirnaah ngaih a ni.
