Congress President Rahul Gandhi-a’n Lok Sabha inthlana Amethi bial-a ding turin hming a pelut.

0
423
views

Uttar Pradesh-a Amethi hi kum 14 chhung Gandhi chhungkuate tlinna bial nghet a ni tawh a, he biala ding tura a hming a pekluh hmain Rahul Gandhi hian Munshiganj Darpipur a\angin Gauriganj thleng roadshow a huaihawt a, a nu Sonia Gandhi, a unaunu Priyanka Gandhi Vadra leh a pasal Robert Vadra te’n an \awiawm a ni. He bialah hian BJP Smriti Irani nen an intum leh dawn a, Irani hian Ningani hian a hming a pekluh rin a ni, tun \um hi vawi hnih an inkhinna tur a ni dawn a ni. Kar hmasa khan Rahul Gandhi hian Kerela-a Wayanad biala ding turin a hming a lo pe lut tawh a, BJP party te’n Amethi-a hnehna chang tura a inrin tawk loh vanga bial danga dingah puh mahse Rahul chuan ram pumkhatna a duh vanga ram chhim lama ding niin a insawi a ni.

Amethi bialah hian Assembly bial 4, Tiloi, Gauriganj, Jagdishpur leh Salon a awm a, May ni 6 khian inthlanna neih a ni dawn a ni.