Congress hruaitute bakah Trinamool Congress, Aam Aadmi Party, CPI(M) leh party dang hruaitute hi Dyal Singh College ah inhmukhawmin heta \ang hian km 4 chuanga hla, CBI Headquarters an pan a, Loktantrik Janata Dal hruaitu Sharad Yadav, CPI hruaitu D Raja leh TMC hruaitu Nadimul Haque te pawhin Congress lungawi lohna lantir hi an zawm ve a ni. Rahul Gandhi a’n hma hruaiin kawngzawhtute hian sorkar laka an lungawi loh thu an au chhuahpui a, CBI khuahkhirhah leh che thei lova siamah sorkar an puh a, Congress General Secretary Ashok Ghelot chuan CBI hotu Vermna chu a hna pangngai thawh tir leh nghal an duh tih sawiin, chawlh lak luih tir anih dan chu dan kalh a ni a ti.
Ram chhung hmun dangah pawh CBI office hnaiah kawng zawh hi huaihawt a ni a, Rahul Gandhi chuan CBI hotu Alok Vermna chawlh tir a ni chu thil zahthlak leh ram danpui kalha chetna a ni a ti a, Prime Minister Narendra Modi chu Rafale indo thlawhna lei chungchang chhui chian hlaua CBI khuahkhirh zawnga cheah a puh bawk.
