Congress President Sonia Gandhi piancham vawi 71-na lawm

Vawiin hi Congress party hruaitu, Pi Sonia Gandhi piancham vawi 71-na a ni a, a pualin a chenna inah an party mi \hahnem takin a lawmna hun an hmang. PM Narendra Modi pawhin Pi Sonia hi piancham lawmpuina thu leh hrisel tura a duhsakna te a hlan a ni. Pi Sonia hi kum 1991-a a pasal, Rajiv Gandhi thah a nih khan an party hruaitute chuan Prime Minister ni turin an sawm a, a hnawl avangin PV Narasimha Rao chu ruat a ni a, kum 1998-ah khan Congress President atan thlan a ni a, a kum lehah UP-a Amethi bial leh Karnataka-a Bellary bial a\angte-in Lok Sabha MP-ah thlan tlin a ni a, hemi \um hian tuna Foreign Minister, Pi Sushma Swaraj hi a lo hneh tawh a ni. Pi Sonia Gandhi hi kum 19 lai Congress President a ni tawh a, party President ni rei ber a ni a, a fapa Rahul Gandhi-a’n a thlak dawn a, chuhpuitu awm loh vangin, President atan hian ruat a ni ang.