Congress President thar atan Rahul Gandhi puan thuai ring

0
385
views

Rahul Gandhi chu kar leh Thawhlehni khian Congress President thar atan puan a nih rin a ni a, he inthlanna chuhtute hming p>k luhte hi Thawhlehni khian endik a ni ang. Nimina hming p>k luh theih hun tawpah kum 47 mi, Rahul Gandhi chauh hi party President thlanna chuha hming pe l<t a nih avangin, President thar a ni dawn tih a chiang tawh a, he party kum 131-a upa hi a kaihruai dawn ta a ni. Rahul-a kaihhruaina hnuaiah hian Congress party hian kum 2019 Lok Sabha inthlan an hmachhawn a rinawm ta a, tuna Gujarat assembly inthlana an party dinhmun pawh hi a tan thil pawimawh tak a ni dawn a ni. Puan tawh angin, Congress party hruaitu thlanna buaipuitu, party central election authority chuan Rahul Gandhi-a hming p>k luhna hi 89 a dawng a, a rawttute zingah hian Sonia Gandhi, PM hlui, Manmohan Singh leh Congress Working Committee member dangte an tel a ni. Hming p>k luhte hnuh dawh theih ni hnuhnung ber pawh kar leh Thawhlehni khi a ni a, hemi ni-ah hian an party pisa puiah inkhawm buatsaih a ni ang. Congress party thuneitu sang ber, CWC pawh din thar thuai a nih rin a ni a, Congress party danpuiah chuan President hi kum thum atan thlan an ni \hin a, Rahul Gandhi hi Nehru-Gandhi chhungkua a\anga Congress party President 6-na a ni ang. Tuna an President, kum 70 mi, Sonia Gandhi hian kum 19 chuang hret, he dinhmun hi a luah a, kum 1998 March thla khan Sitaram Kesri-a a thlak a ni. Kum 2010-ah khan Sonia hi President atan thlan leh a ni a, a vawi li-na a ni a, hemi hnuah hi chuan inthlan a awm mumal ta lo a ni. Kum 10 chhung, sorkar laipui an kaihhruai hnuah kum 2014-ah khan Congress hian Lok Sabha-ah bial 44 chauh an lak avangin, Rahul Gandhi-a hian an party tung ding leh turin hna a ngah hle dawn a, Gujarat Assembly inthlan hnuah hian, kum 2019 Lok Sabha inthlan hma-in state lian – Karnataka, Madhya Pradesh, Chhattisgarh leh Rajasthan Assembly inthlan a la awm dawn bawk a ni.