Congress sorkarin NLUP a hlawhtling tia a tlangau chunga thil man a to zel chu thil inhmeh lo tak a nih thu MNYF President-in sawi

0
595
views

Congress sorkarin a flagship Programme NLUP a hlawhtling tia a tlangau chunga thil man a to zel chu thil inhmeh lo tak a nih thu MNYF President Pu Lalrinawma MLA in a sawi. He thu hi vawiin a Lengpuia an partyin vantlang inkhawm neih a buatsaihah a sawi a. Pu Lalrinawma chuan, State Budget tam tak an hmanralna NLUP chu an party invulh na atan chauh an hman avangin ram sum leh pai dinhmun pawhin a that phah lo a ni tih a sawi a, zirlaite tan Education loan chungchangah hmalak ngaih na a hre lo chu vanduaithlak a tih thu a sawi.

Dr. K. Beichhua, MLA pawhin thu sawiin sorkarin Assembly a zu zawrh phalna dan pass a tum khan MNF in a duh loh avangin MLA te pawh House atangin an chhuak vek tih a sawi a, engtikawng mahin zu zawrh chu an duh loh thu a sawi a, Chief Minister Pu Lal Thanhawla’n kum 10 dawn Mizoram a kaihhruai chhungin thil tha lo lamah min hruailut mek a ni tih a sawi.