Congress thalai chuan Citizenship Amendment Bill, 2016 chu theihtawpa kawng hrang hranga dodal anih hnuah pass a ni ta rih lo chu lawmawm an tih thu an sawi a. He Bill dodalna atana ngaihtuahna sengtu, Mizo mipui, NGO hrang hrang leh political party te bakah, he bill dodalna tura a hmuna awma theihtawp chhuahtu Rajya MP Pu Ronald Sapa Tlau leh Lok Sabha MP Pu C.L.Ruala chungah te, mahni sorkar tlakna tur pawh pawisa lova mahni inphat ngam State dang sorkar hmalakna te chu lawmawm an tih thu an sawi. Hetihlai hian Mizoram sorkar chu he bill dodalna kawngah a che nep hle niin Congress thalai chuan an sawi a, MNF President, Chief Minister-in Prime Minister leh Union Home Minister CAB chungchang a sawipui nia sawi chu a tak ngei a ni em tih zawtin, a Video clip pe chhuak tura an phut thu an sawi a, ram leh hnam chhan nan zirlai pawlten theihtawp an chhuah laiin MNF Minister pakhat chuan Zirlai Pawlte thil tih chu ngainep takin atthlak tiin a lo dawngsawng niin an sawi a, Mizo mipuite hnena ngaihdam a dil vat anih loh pawhin Minister nihna a\anga bang ngam turin an phut tih congress thalai chuan an sawi.
