Congress Thalai MPYCC in Mizoram sorkarin MIMERS a dinah hmingthat lak tuma an kutkawih ni lo, mahni tih anga sawiah MNF party an puh.

0
284
views

 

Vawiina Aizawl Press Club-a thuthar lakhawmtute an kawm naah MPYCC President Dr. Lalmalsawma Nghaka chuan tun hnaia MNF Vice President Pu R. Tlanghmingthanga leh MNF hotu dangten State Referral Hospital Falkawn-a Staff Quarters an tlawh chungchaangah MNF party chu na takin a beilet a, MNF chuan Referral Hospital chu ar vulhna tawk lekah an chhuah niin a sawi a, Pu Lal Thanhawla kaihhruai Congress sorkar in damdawi in lian leh puitlinga a hlankai tak avang leh Medical College a din tak avangin an mualphona khuh bo tumin hma an la ta niin a sawi.

MPYCC President chuan MNF Party chu an sorkar laiin damdawi in lian din turah damdawi in pawh sak hmain thawktute chenna tur staff qauarters za tel an sa niin a sawi a, Hospital main building phei chu ruhro ding ang maia phuailuaiin an hnutchhiah niin a sawi a, an thawh chhun pawh an thawh \hat loh avangin a tira khum 300 awm thei tura ruahman chu khum 50-ah a tlakhniam phah niin a sawi.

Dr Lalmalsawma Nghaka hian MNF Vice President Pu R Tlanghmingthanga chu na takin a beilet bawk a, State Referral Hospital leh Medical College Falkawn chu party anga tlawh tur chuan mi hming\ha deuh thlang chhuak turin MNF hotute a duh tih a sawi a, mahni fate hminga Health Care sum lo chiahpuamtu chu tir tawh lo se an duh tih a sawi.