MNF President, Pu Zoramthanga’n Congress tlak chhiatna dar a rik rualin, MNF par chhuahna dar a ri \an mek niin vawiina Thingdawl Chhim veng YMA Hall-a vantlang inkhawm buatsaihah a sawi a. Congress hian India ramah kum 60 deuhthaw ro an rel tawh a, MP 543 zinga member 300 dawn laite pawh an nei \hin a, kum 2014 inthlanah erawh chuan member 44 chauh an nei tawh tih sawiin, tunah hian Punjab, Karnataka, Himachal Pradesh, Meghalaya leh Mizoramah chauh thuneihna an chang tawh a. nakkuma Mizoram inthlan hunah phei chuan a tam berah state 2 bakah thuneihna an chang tawh dawn lo niin a sawi. Pu Zoramthanga chuan, Rangvamual leh Phunchawnga zu zuar bel pahnih khat vuak chhiatsak a nih laiin, ni tin Truck ke 12 neiin Mizoramah zu a phur lut reng niin a sawi a, hei hi \halaiin an thihpui zawih zawih a, chhung tin an rum a, Kohhran pawh a \awng\ai bang lova, Police-te lah ral kuta thi ni lovin zu vangin an thi zawih zawih reng a, kawng a chhia a, hmasawnna hnathawh a awm bawk si loh avangin Congress Party chu mipuiin laltir nawn an tum tawh lo niin a sawi a ni. Thuneihna an chan hunah chhung tin hnenah cheng nuai 3 aia tlem lo leh a aia tam \anpuina pek a nih tur thu sawiin, kum 4/5 hnuah chuan chhung tin sum lak luh chu nasa takin a pung ang a, sorkar hna inchuh luih luih chu a awm tawh dawn lo niin a sawi bawk.
He inkhawm hi Tuirial West Block MNF President, Pu Hmingthanfela’n a kaihruai a ni.
