Congress Working Committee-in tukin khan an hruaitu, Sonia Gandhi chu a chenna inah kawmin, Maharashtra-a Shiv Sena leh NCP te nen \anghova sorkarna an siam dan tur chungchang an sawipui.

0
171
views

Congress hruaitu, KC Venugopal chuan naktukah chuan thuchiang an neih tawh a ring tih a sawi a, Sonia Gandhi chu Maharashtra-a sorkarna siam turin party pahnih, Shiv Sena leh NCP chu thawhpui turin congress working committee hian thurawn an pe a ni. Nilaini khan NCP hruaitu Sharad Pawar-a inah Congress leh NCP hruaitute an inkawm a, he an inkawmnaah hian Congress chuan an thawhpui tur party pakhat lakah thutlukna an la siam thei rih lova, sawiho leh phawt an duh tih an sawi a ni.

NCP Leader, Nawab Malik chuan Shiv Sena, NCP leh Congree tel lo chuan Maharashtra-ah sorkar a siam theih lova, chuvang chuan sorkar siam turin theihtawpa \an lak an tum tih a sawi.