Mipui ten tui \ha taka an hmuh theih dan tur ngaihtuahin vawiin khan Dy CM pisaah PHE hotute an \hukhawm a, hmun hrang hranga tui supply dinhmun enfiah nghal a nih thu te, tun dinhmunah harsatna a awm loh thu sawilan a ni a. Mipui ten tui an nghei loh nan tui semtute leh pump a thawkte chu chawl lova an hna chhunzawm tura tih an ni a, thawktute chu kut kawr leh hmaituamna pek an nih thu te, an indaih lei tur a awm loh avangin lei belh tur dap a nih thu te, tui bill pawh counter a pek chu tihtawp lailawk a nih thu leh Online hmanga pek theih anih thu te., tun thla ni 30 thleng bill hi pek theih a nih thu sawilan a ni.
Meeting kaihruaitu Dy. Chief Minister Pu Tawnluia chuan, tui sem a khaihlak lohna tura \an lak a tul thu a sawi a, hetihlai hian \hal a in\an chho mek avang leh tunlai hri leng avanga harsatnain eng chen nge a awh dawn tih hriat a nih loh avangin mipui te chu tui renchem turin a ngen a ni.
