Coronaviris hri leng mekah Damdawi ina thawktute laka tharum thawhtute na taka hrem theihna turin sorkarin dan dinglai a siam\ha a, hremna hi bail theih loh, non bailable office ah dah a ni a, kum 7 thleng jail tantira hrem theih an ni ang.

0
352
views

Union Minister Prakash Javadekar chuan rampumah mipuiten hri leng do hna thawktu doctor leh damdawi lam thiamte an ngaihsan em em laiin, mi thenkhat, hri leng pu darhtu nia ngaia an laka tharum thawha chet ching an awm a ni a ti a, heng mi te hi na taka hrem an nih theihna turin, kum 120 zet lo hman tawh Epidemic Act chu ordinance hmanga siam that a ni a ti a, doctor leh damdawi lama thawktute laka tharum thawhtute chu lungin tanti bakah cfheng nuai 1 atanga nuai 5 thleng chawitira hrem theih an ni tawh dawn tih a sawi.

Ordinance hi president pawmpui tura thawn nghal a ni a, President in a hming a ziah hnan veleh hman tan nghal a ni ang.

Hemi hmalam hian Union Home Minister, Amit Shah-a’n health worker ten beih an tawh vanga doctor ten lungawi lohna lantir an tum dan chu hnuklet turin Indian Medical Association a ngen a ni.

Vawiin khan White Alert tih vuah lungawi lohna lantir tumin ram puma doctor te leh damdawi in te chu mombati chhi tura tih an ni a, doctor te chu kawrchung var ha chunga mombati chhi turin IMA chuan a ti a ni.

Union Home Minister, Amit Shah hian Health Minister, Dr. Harsh Vardhan leh doctor te, medical association te chu video conferencing a neihpui a, Amit Shah chuan doctor te himna turin sorkar chu an hnungah a ding reng a, an himna tur a nih chuan sorkar chuan a tul apiang tih a huam tih a hrilh a ni.

Covid-19 do let tura a hmatawnga hnathawktu damdawi lam hnathawk leh police te chu Madhya Pradesh, Uttar Pradesh, Bihar leh Bengaluru-ah te mipui thinrimin kut an thlak a, Indian Medical Association chuan sorkar chu damdawi lam hnathawktute himna tur Dan siam turin a phut a, sorkarin hma a lak loh chuan Black Day huaihawtin ram chhunga doctor zawng zawngin badge dum bel an tum tih a lo sawi tawh a ni.