Coronavirus a lan chhuah a\ang khan China-ah chuan a ni telin nitin mihringah a \aidarh chak hle a, January thla a\anga inkaichhawng an pun telh telh hnuah he natna inkaichhawn hian ziaawm lam a pan dawn a ni ang tih rin theih turin China-ah chuan vawiin khan mi 40 lekin an kai belh tawh a ni.

0
48
views

South Korea pawhin kar hnih chhungin mi tlemte chauhin an kai tawh tih tarlan a ni a, hetihlai hian US-ah chuan Covid-19 vei mi 500 chuang an awm tawh a ni.

Italy-ah chuan ni khata Covid-19 thihpui zat chu 133-in an pung a ni. Thailand leh Malaysia-in khualzin phur lawng an rama luh an phal loh chuan Thawhlehni khian Singapore lawng chawlhmun a pan dawn a ni. North Korea chuan ramdang mi palai an rama awm te chu hun rei tak a khung hran hnuah a chhuah phal ve ta a, hetihlai hian tuialhthei man te a san bakah sumdawnna hrang hrangte a tlahniam nasa tawh hle a ni.

UK-a mipui chiaiten inchhung khur mamawh leh eitur lam an inchuh deuh titih tawh avangin UK-a supermarket lian ber Tesco chuan thil hralh tur bithliah a siam a, an thil hralh tur reng renga mi pakhatah thil chi khat panga aia tam lei an phal lo va, chung zingah chuan antibacterial gel te, wipes leh spray te, pasta leh bawnghnute te a tel a ni.