Coronavirus khawvel puma a \aidarh tawh vangin airlines zawng zawng deuhthaw chu May thla tawp lamah chuan thla chhe mai thei dinhmunah an ding dawn a, sorkarin a thawhpui emaw, industry ten \an an lakpui emaw chuan he chhiatna thleng thei hi a pumpelh theih a ni chauh dawn niin global aviation consultancy firm, CAPA chuan a tarlang.

CAPA chuan coronavirus vangin ram hrang hrang sorkarte chuan khawvel ram hrang hrangte inkalpawhna an khuahkhirh chho zel a, hemi vang hian airlines tam zawk chu tla chhe mai thei dinhmuna an din loh pawhin leiba vangin buaina an tawk dawn tih a tarlang a ni.

US chuan EU mi leh sa te visa zawng zawng a tihtawp sak a, UK leh Ireland te pawhin khualzin mite visa a sut sak vek bawk a ni.