Coronavirus leng mek vangin English Football zawng zawng April ni 30 thleng tihtawp lailawk a ni.

0
366
views

English Premier League, EFL, Women’s Super League leh Women’s Championship te, Scotland, Wales leh Northern Ireland-a inkhel tur duan lawk sa zawng zawng te chu a hun sawn nghal a ni a, Football Association chuan season khelh lai mek chu tiam chin awm lo va sawn a remti a ni.

EPL khelh lai mek chu tluang taka khelh a nih chuan June ni 1-a zawhfel theih tur a ni a, amaherawhchu, natna hri leng vangin a hunah zawhfel a ni thei dawn lo a ni.

FA, EPL leh EFL chuan thuchhuah in\awm siamin coronavirus laka an him veleh 2019-20 season khelh chhunzawm a nih thuai theih nan leh tualchhung infiamna leh European match te zawhfel a nih vat theih nan kawng zawng turin thuneitute an ngen a ni.

Hetihlai hian Monaco Grand Prix pawh cancel a ni a, Netherland leh Spain-a intlansiak hun tur pawh sawn hlat a ni bawk.