Ningani khan COVID-19 hi Italy-ah mi 427-in thihpui lehin an vaiin mi 3405-in an thihpui tawh a, Italy hian China khumin khawvela coronavirus vanga mitthi tamna ber ram a ni ta a ni. China-ah hian mi 3245 -in an thihpui tawh a ni.
Italy ah hian he hri leng kai zat hi 41,000 an tling tawh a, Germany, Iran leh Spain ah te pawh mi 15,000 vel \heuhin an kai tawh a, US ah chuan mi 13,000 chuangin an kai tawh a, California chuan state pumpui-ah pawn chhuah let mipui chetvelna a ti tawp lailawk a ni.
Khawvelin theihtawp chhuaha a beih let mek COVID-19 hi a darh zel lohna turin ram hrang hrangin an ram mipuite pawn chhuah khap rih mah se COVID-19 avanga thihna hi Europe-ah chuan a sang chho zel a ni.
He natna darh chak tak hi khawvel pumpuiah mi 9000 velin an thihpui tawh a ni.
