Coronavirus vanga tun thla ni 18-a Punjab-a thi khan Punjab-a he hri kai 33 zinga 23 te chu a kai chhawng nia hriat a ni.

0
73
views

Gurudwara puithiam kum 70-a upa hi a \hiante pahnih hruaiin German leh Italy-ah kar hnih thangin a zin a, India rama a lo let hnuah mahni inkhung hrang tura tihna thupek a zawm lo a, hmun hrang hrang tlawh kualin punkhawmna tam takah a tel a ni. Tun thla ni 6 khan Delhi a thleng a, Delhi a\angin Punjab-ah a haw leh a ni. Thuneituten a chet vel dan an chhuinaah tun thla ni 8 leh ni 10 inkar khan Anandpur Sahib-a intihhlimna hmunah a kal a, chumi hnu chuan Shaheed Bhagat Singh Nagar District-ah a kal leh a ni. A positive tih an hriat hma-in mi 100 vel a hnimhnai hman a, a zinna a hruai a \hiante pahnih paw’n an state chhunga khaw 15 an tlawh nia hriat a ni.

He puithiam thi ta chhung te 14 pawhin virus hi an kai a, a tupa leh tunu te pawh mi tam tak bulah an khawsa tih hriat a ni.

Heng mi pathum te fimkhur loh avang hian an kalna khua zawng zawnga mipuite chu enfiah vek an ni.