Court-in thiam loh a chantir tawhte political party-a chanvo leh dinhmun chelhtir khap chungchangah SC-in sorkar leh EC ngaihdan zawt

0
319
views

Court-in thiam loh a chantir tawh politician-te, political party-a chanvo leh dinhmun chelhtir loh khap rawt chungchangah Supreme Court-in sorkar leh Election Commission ngaihdan a zawt. Chief Justice Dipak Misra leh Judge dang pahnih – Justice A.M. Khanwilkar leh D.Y. Chandrachud-a awmna bench chuan inthlan dan, Representation of the People Act, 1951 hnuaia Section 29A chungchangah hei hi a buaipui mek a, hemi chungchanga PIL thehl<ttu, Ashwini Kumar Upadhyay-a aiawha ding, Siddharth Luthra chuan thiam loh chantir tawh politician-te hi danin inthlan an chuh khap mah se, political party-ah dinhmun engpawh an la luah thei a, inthlanna chuhtu tur thlangtu leh ruattu pawh an la ni thei tih a sawi. Hei vang hian sorkar laipui leh Election Commission-in hetiang mite hi political party-a dinhmun pawimawh luahtir lo turin dan siam \ha se, ram danpui lek kawh a nih dan thlir nawntu, National Commission rawt angin inthlanna leh ram enkawlna hi tihthianghlim deuh deuh ni se, tiin rawtna a siam a ni. PIL thehl<tthu hi political party hruaitu langsar tak tak, thubuai lian tak tak nei leh thiam loh chantir tawh, dinhmun pawimawha la ding si leh thiltithei dinhmuna dingte hming engemawzat pawh Supreme Court-ah hian a thehl<t a, tualthah, pawngsual, bungraw tawlh r<k, tangka chhehrelh, insuam leh inrawknaah te pawh tel tawhte pawh political party President an la ni thei reng hi a dik thei lo niin a sawi.