Bulgaria khawpui Sofia a damdawiin pahnih a doctor leh nurse tam tham tak te chu COVID-19 damlo enkawl tura tih an nih avangin banna an theh lut.
Heng damdawi lama thawk te hian an himna tura inthuamna, protective gear leh enkawlna tur hmanraw \ha pek an nih loh avangin Bulgarian Parliament in an ram chhung a state of emergency a puan tukah banna an thehlut ve nghal a ni.
Dr. Kameliya Bachovska, Second City Hospital, Sofia a thawk mek chuan amah leh a thawhpui mi 84 te chuan banna an theh luh thu sawiin, a thawhna damdawiin chauh ni lovin damdawiin dang zawng zawng pawhin hmanraw tha an neih loh avangin Bulgaria a doctor te, a bikin doctor upa lam te dinhmun a derthawng hle a ni a ti.
Kar hmasa khan St.Sophia Hospital a thawk mi paruk velin banna an lo thehlut tawh bawk a ni.
