Hetihlai hian khawlvel ram dangah he hri hi a len mek avangin lo inven lawk a nih theih nan thutkhawm hmanhmawh Chief Minister in a ko tih Dr. Thangtea hian a sawi a, Mizoram a himna turin hmalak dan tur ruahmanna thar siam a ni a ti.
Covid 19 hri leng hriat a nih veleh deptt pawhin hma alak nghal thu Lengpui tumhmunah pawh uluk taka vil a ni a ti a, Covid 19 chungchanga hmalakna turin finance changtu Chief Minister chuan a \ul ang sum hman a remti a ni a ti a, virus kai leh kai lo endikna khawl cheng vaibelchhe 1 man vel pawh lei tura hmalak nghal a nih thu a sawi.
Dr. Thangtea chuan, mipui te an chiai chu pawi a tih thu a sawi a, hmui leh hmai tuamna lo leilawk te pawh an awm thu sawiin, mipuite buaina denchhena hetiang thil te man sang zawka lo hralh an awm tih hriat a ni a, an chungchang enfel a nih tur thu a sawi a, Covid 19 dona kawnga hma an lakna tura hmanrua te pawh a tul anga lei khawm tum zel a nih thu a sawi.
Dr. Thangtea chuan social media lamah thu dik tawk lo thehdarh awm \hin chu pawi a tih thu a sawi a, Health Deptt. Principal Director thuchuah ni lo chu ring lo turin mipuite a chah a, mipuite hriat tur pawimawh chu sorkarin an puangzar zel dawn a ni a ti. Dr. Thangtea hian Lengpui tumhmunah rinhlelh te dah hranga enkawlna tur siam a nih thu a sawi bawk.
India ram pumah mi 3003 te thisen endik tawh a ni a, an zinga 43 in Covid 19 hi an kai tih hriat a ni tawh a, Kerala mi pathumte chu enkawl dam an ni tawh a ni.
