Covid-19 enfiahna Mizorama bun theih dan tur kawng daptu Health Minister hoa din ‘Core Committee on Setting up of Covid-19 Testing Laboratory in Mizoram’ in Zoram Medical Coolege-a DTC building ah Covid-19 Testing Laboratory din theih dan tur an en.

ZMC DTC Building a TB Laboratory room tura cheibawl mek chu Covid-19 Testing Laboratory atan hman tum nise an ti a, Indian Council of Medical Research(ICMR) lam berawn chungin he Laboratory room hi changtlung zawk, ICMR duh dana Biosafety Level-3 a siam an rel a. Laboratory atana hmanraw tul hrang hrangte lak khawm dan tur pawh an ruahman tih sorkar thuchhuahin a sawi.

Core committee ah hian MLA 3 – Prof. F.Lalnunmawia, Dr. K.Pachhunga, Dr. Vanlalthlana te, Health Secretary Pu H.Lalengmawia, ZMC Director Dr. T.Lalhmangaihi leh NHM Mission Director Dr. Eric Zomawia te bakah Mizoram University, College of Veterinary sciences leh Pachhunga University College-a mithiamte an tel a ni.