State pawn hmun hrang hranga awm, an khua an thlen hnu-a mi dang chim buai theih loh tura awm hrantir nghalte hi an vaiin mi 30 vel an tling tawh a, an zinga a tam zawk chu mahni chenna inah a remchan anga awm hrantir an nih laiin, mi 8-te chu Tlabung Tourist Lodge-ah khung hran mek an ni thung.
Eizawnna vanga Maharashtra state chhung Aurangabad-a awm mi pakhat leh, Karnataka state-a Bengaluru khawpuia awm mi 7-te chu nizan hmasa zanlai pelh tawh hnu khan Tlabung an thlen hnu-ah, an awm hranna hmun tur Tlabung Tourist Lodge panpui nghal an ni a, hetih lai hian state pawn atang thoin Covid-19 vei rinhlelhawm deuh mi pakhatin Tlabung a pan niawma thu thang deuh erawh a dik tawk lo tih, a hnu-ah finfiah a ni
