Cricket Association of Mizoram chu Board of Control for Cricket in India (BCCI)-in an member atan a la lut.

0
630
views

He thu hi Chief Minister Pu Lal Thanhawla, Cricket Association of Mizoram President ni bawkin nimin khan a office-a Cabinet Meeting Room-ah thuthar thehdarhtute a hrilh a, Chief Minister chuan Cricket Association of Mizoramin hunrei tak chhung BCCI zawm tura hma a lak thu te, an beihna chu tunah a hlawhtlin tak thu te, cricket chu Mizote zingah la lar vak lo mah se eizawnna tling thei a nih thu te sawiin, he infiamna hi \hangtharten zirin uar chho zel se a duh thu a sawi a ni. Pu Lal Thanhawla chuan Cricket Association of Mizoram BCCI-a a inthunluh hnuah BCCI-in tournament a siamah an tel ve thei dawn niin a sawi a, Mizorama cricket ground-ah pawh BCCI hnuaia match engemawzat khelh theih a ni dawn niin a sawi a ni. Cricket Association of Mizoram hi kum 1992-ah din a ni a, tunah hian a hnuaiah club 30 an inziaklut tawh a ni.