Cyclone Gaja chuan nimin tlai a\ang khan Tamil Nadu a nuai \an a, hmun hrang hranga chhiatna thlengah mi 11 an thi.

0
678
views

 

Nagapattinam district-ah chuan cyclone hian thil a tichhe hnem hle a, chhawmdawlna hmunpui 471 siam a ni tawh a, heng hmunah te hian mi 81,948 enkawl mek an ni a, Cuddalore-ah pawh mi 10,500 chu hmun him lamah hruai an ni tawh bawk a ni. State CM E Palaniswami chuan cyclone kaihhnawih chhiatna thlenga thi te hi sorkar-in zangnadawmna a pek tur thu a sawi a, vawiin lama thi mi 11 te hnenah pawh hian cheng nuai 10 pek a nih tur thu a sawi bawk a ni. Puducherry thliarkar lamah pawh ruah sur hi a nasa hle a, hmun tam takah thliin thingkung a len thlu nasa hle bawk a, thi leh hliam erawh an la awm lo a ni. Puan tawh angin Cyclone Gaja tleh tur vang hian Tamil Nadu leh Puducherry vela chhanchhuah leh chhawmdawl hna thawk turin Indian Navy lawng lian pahnih leh sipaite chu ningani a\ang khan inrintir an lo ni tawh a, lawngah hian tui lut thiam sipai leh doctor tam zawk bakah, \helret lawng leh helicopter leh chhawmdawlna hmanrua \hahnem tak dah a ni.