Cyclone-in Pacific a nuai hnuah chenna in tam tak chan an awm avangin coronavirus laka invenna kawngah dinhmun thim tak mipuiten an hmachhawn chho mek.

0
382
views

Cyclone Harold-in kar kaltaa Pacific a nuai khan mi engemawzatin nunna an chan a, khaw chhungah tui a lian a, chenna in tam tak a nuai chhe bawk a ni.

Cyclone Harold tuartu Pacific huam chhung thliarkar \henkhata cheng te chu chhungkaw harsa tak tak te an nih vangin an nunphung pangngaiah pawh coronavirus laka inven kawngah harsatna an tawk sa tawh a, ei leh bar leh mamawh hrang hrang lakluhna kawngpuite chu cyclone-in a tih chhiat avangin mipui tam zawk chu social distancing kalpui theih loh khawpa chepah an inhnawh khawm a ni.

Fiji leh Tonga-ah chuan mi sing khat vel \anpui ngai an awm niin Red Cross chuan a tarlang a, eng leh tui lakna te, kawngpui leh zirna in te a nuai chhe nasa hle a ni.