Cyclone Ockhi-in Maharastra leh Gujarat thleng

0
663
views

Tamil Nadu leh Kerala nuaitu thlipui, cyclone Ockhi chuan Gujarat leh Maharashtra lam a thleng \an a, Mumbai leh a chhehvelah zirna in zawng zawng khar tura tih a ni a, ruah nasa taka a sur rin a ni. Cyclone Ockhi hian Goa hmar lamah pawh thil a tichhe nasa hle a, mihring nunna atana hlauhawm khawp thil a thleng lo nain, vaukam vela mihring chenna eng emaw zat a chhia tih thuneitute chuan an sawi. Mumbai vaukam vel pawh Arabian Sea tuipuiin a chim nasa tawh hle a, India Meteorological Department chuan sangha mantute pawh darkar 48 chhung,, feh chhuak lo tur leh a chhuak tawhte pawh kir leh turin a ti a, National Disaster Response Force leh lawng sipaite pawh inralring tura hriattir an ni bawk. Cyclone Ockhi-in a lo nuai tawh Lakshadweep thliarkar-a chengte tan Pathianni a\ang khan lawng sipaite’n chhawmdawlna thilte an phur lut tawh tih Defence Ministry thupuangtuten an sawi a, ei tur chi hrang hrang bakah silhfen leh ruah dopui theih thawmhnaw chi hrang hrang leh thosilen te pawh tualchhung roreltute kutah an hlan tawh tih an sawi. Kavaratti thliarkara chengte tan chaw hmin sa, mi 2,000 vel tana ni 7 daih awm vel chu Indian Air Force sipaite’n thlawhna-in an lo thlak tawh bawk a ni.