Cyclone Ockhi vangin mi 7 thi tawh

0
437
views

Tamil Nadu leh Kerala nuaitu thlipui, Cyclone Ockhi avanga thi zat mi 13 an tling tawh a, hmun hrang hrangah chin hriat loha bo an la awm avangin ngawrh taka zawn zel an ni a, chenna in nei lo, mi 1,000 vel an awm tawh nia hriat a ni bawk. Chhim lamah chuan Cyclone hian ziaawm lam a pan dawn nia hriat a ni a, Cyclone hian vawiin khan Gujarat-a vau kam lam a thleng tawh a, darkar 48 chhung chuan a nat zawng pawh a tlakhniam tawh rin a ni tih India Meteorological Department Director, S. Sudevan chuan a sawi a ni. Indian Coast Guard-te chuan Kerala leh Tamil Nadu vau kamah lawng 9 leh thlawhna 2 hmangin chhanchhuah hna an thawk chhunzawm zel tih an sawi a, sangha mantu 50 chuang an chhanchhuak tawh tih an sawi. Tamil Nadu CM, K Palniswami pawhin cyclone vanga harsatna tawkte chhawmdawl nan hian sorkar laipuiin \anpui a tiam thu leh PM Narendra Modi nen pawh an inbiak thu a sawi bawk a, lawngleng 33 leh sangha mantu 95, chin hriat loha an la awm thu leh sangha mantu 73 chu chhanchhuah an nih tawh thu a sawi bawk. Kerala CM, Pinarayi Vijayan pawhin mi 400 vel chu chhanchhuah an ni tawh tih a sawi a, thi chhungte hi state sorkarin zangnadawmna, cheng nuai 10 a pek tur thu a sawi bawk.