CYMA Kum puan committee-in December ni 19 leh January ni 1 inkarah ruihhlo thahnem tak man

0
565
views

Central YMA hnuaia kum puan Committee-in nikum December ni 19 a\anga kumin January ni 1 thleng khan ruihhlo, heroin No. 4, hawng 9, Cane 195 leh chhinsen 12, Alprozolam strip 66, Ganja Pocket 13, khuh damdawi, ruih nana hman chi bur 370 leh halpuah tlep 34 an man a. Hemi kaihhnawihah hian mi 145 an man bawk a, an zinga 6 chu Police kuta hlan an ni a, mi dang 11 chu Home-a dah an ni. Central YMA Kumpuan Committee Secretary, Pu HF. Lalrinpuia chuan, ruihhlo leh a kaihhnawih thila an man zingah hian mi pangngai tak tak te pawh an tel a, a \hente phei chu hetiang lama an vawi khat inhnamhnawihna ni mah se, damdawi an mansak chu a tam tham avangin chhuah zalen ngawt theih an ni lova, Police kuta an hlan chuan nakin zelah an tan a pawi theih bawk si avang leh, insiam \hatna hun an neih theih nan Home-ah dah an nih thu a sawi. Pu HF. Lalrinpuia chuan, mi \henkhatin Home-a dah chu indiriamna ang deuhah an ngai nia sawiin, Home-a indah chu indiriamna vang ni lovin, an nun kal zel turah kawng dik an zawh leh theih nana duhsakna vang zawk niin a sawi a ni. YMA Kumpuan Committee hruaitute sawi danin, damdawi leh a kaihhnawih avanga an man zingah hian kum 20 a\anga 30 inkar an tam ber a, an man zinga naupang ber chu kum 16 mi a ni a, kum tling lo an mante chu an nu leh pate hriattir an nih hnuah an chhungte hnena hawtir leh nghal zel an nih thu an sawi. Zawhna chhangin Kumpuan Committee hruaitute chuan, tun hnaiah hian \halai zingah damdawi leh a kaihhnawih ti thar an pung chak hle niin an sawi a, hei hi a chhan ber chu rim a neih loh bakah ruih nuam an tih vang hrim hrim a ni tlangpui a, nikum October thla a\anga SRS a khaihlak a\ang khan damdawi man hi nasa takin a tlakhniam hman avangin a ti thar an tam phah nia an ngaih thu an sawi bawk.

Puan tawh angin, Central YMA hnuaia ruihhlo dotu pawl, SRS term chu nikum October thlaa Champhai Zotlanga YMA General Conference-ah khan a tawp a, tunah hian SRS thar din leh tum mek a ni a, hemi hma hian kumpuan Committee-in a lo keng rih dawn a ni.