Tun thla tir khan nikum lama an bo thu report tawh, hmeichhe 2, Philippines mi kum 38-a upa, Marry Rose Tiburcio leh kum 28-a upa Arian Palanas Lozano te ruang hmuhchhuah a ni a, Tiburcio-in online-a a mi biakte chhui a nih hnuah he army officer hi man a ni a, a tirah thiam thu sawi mahse kum 3 chhunga hmeichhe 7 a thah tawh thu sawiin a inpuang ta a ni. Tualthattu hian a inpuan hnuah thubuai chhuitute chu sipai ten silai kah an zirna hmuna tuichhunchhuah-ah ruang a dahna a kawh hmuh a, he hmeichhia hi Nepal emaw, India emaw lam mi a ni. Thuneitute chuan chuan chhim lama dil pahnihah Romania mi hmeichhia leh a fanu ruang leh Tiburcio fanu kum 6 mi ruang an zawng zui mek bawk a ni.
Thuneitute chu heng hmeichhiate hi ram dang mi an nih vanga an chungchang ngaihthahah mipuiten an puh a, eptu pawl AKEL hotu Andros Kyprianou chuan Cyprus mi ni lo, ram dang a\anga lo lut an nih vanga heng hmeichhia te hi enhran an ni a ti a, police hotulu leh justice minister te chu bang turin a phut a, ram chhunga pemlutte \anpuitu pawl Kisa hotu Doros Polycarpou chuan Cyprus mi leh sa ni lo te chu kawng hrang hrangah ngaihthah bik an ni \hin niin a sawi.
Cyprus mi chemical engineer Maria Mappouridou chuan heng hmeichhia te sunna hun hi a huaihawt a, he hun hmang tur hian mi 1,500 an kal khawm a, mipuite chuan hmeichhia te venhim kawngah an sorkar chu a hlawh chham tih sawiin an lungawi lohna an lantir a ni.
