Dampa Bial Mizo Zirlai Pawlin Darlunga Assembly an neih chu nimin khan a \iak a, a kharna inkhawm nimina neih chu Deputy Labour Comissioner & Secretary, Pu Lalmalsawma’n a hmanpui.

0
240
views

 

Dampa bial zirlai pawl hian an bial chhung zirna in hrang hrangah zirtirtu indaih lohna a nasa hle tih sorkar lehkha a\angin a hriat theih nia sawiin, zirtirtute an awmna tur hun leh hmuna an awm ngei theih nan hmalaka, zirtirtu indaih lohna zualpui sutkian a nih theih nan hmalak an tum thu te, an bial chhungah sorkar enkawl Higher Secondary School pakhat pawh a la awm lo chu hriatthiam har an tih thu te sawiin, a awm thuai theih nan hmalak an tum thu te, zirna uar theih nan Education awareness campaign neih an tum thu te an tarlang a ni.

Dampa Bial Mizo Zirlai Pawl hian Kanghmun leh Darlung inkar
kawng leh Darlung leh Aibawk inkar kawng siam \ha\ tum mêk chu chak zawka thawh a nih theih nan hmalak an tum bawk a ni. He inkhawmah hian an biala zirlaihlawhtling mi 9 te hnenah chawimawina thuziak leh lehkhabu an pe a, Dampa Bial chhungah hian khaw 28-ah zirlai 2,000 chuang an awm a ni.